Engjëll Koliqi

Mirë se erdhët në faqen e Autorit: Willkommen auf der persönlichen Webseite von: Pal Sokoli

 

 

Letra e Engjell Koliqit pas rastit tragjik te cilit i shpetoj me gjithe familje.

Unë Engjëll Koliqi,
i ndodhur në veturën familjare, të aksidentuar më 11 janar 2009,
afër Lubjanës, në Slloveni, mbas peripecive mbi dymujore,
më duket se jam kthyer mirë në jetë! Përfundimisht jam në
gjiun familar dhe familjarët e mi po më ndihmojnë ta marr veten.
Tash po ushtroj në palestrën e spitalit të Lecco-s, me fizioterapi,
që ta mbaj mirë ekuilibrin dhe të eci i pavarur.
Janë të shumtë të afërmit dhe miqtë që janë intrersuar për shëndetin
tonë, duke ardhur në Slloveni e në Itrali, dukem thirrur në telefon,
duke shkruar e sidomos ata që kanë lutur Zotin për ne. Në këto
çaste nuk mundem të bëj tjetër, veçse t'i falënderoj nga zemra!!!
Dashtë Zoti e të gjtihëve ua kthefshim për të mira e për gazmende
!!!
Falënderojmë Zotin që duke i dëgjuar lutjet e të gjithëve, na ka shpëtuar
dhe ngadalë po i rikthehemi jetës!!!
Nuk guxojmë t'i ndajmë nga këto falënderime familjarët e Dajês Gjon, në
Slloveni dhe mjekët shumë tW vyeshëm e të kujdesshëm, në Lubjanë dhe
në Lecco, që aq shumë u kujdesën për të na shpëtuar dhe aftësuar për jetë!!!
Faleminderit, faleminderit dhe faleminderit tº gjithëve
!!!
Engjëlli dhe mbarë Familja KOLIQI
 Garlate (Lecco) - Itali, 21 mars 2009

 

  

               

                                 

Do te lutem për ty,dhe me ndihmen e zotit,me ndihmen e te lumturueshmes sonë Nena Tereze do të bëhesh me mire dhe te kthehesh ne gjirin e familjes tende dhe familjes sone të madhe shqiptare.

  Engjëll Koliqiështë lindur më 10 nëntor të vitit 1956 në Stubëll të Karadakut (Kosovë), aty ku është vatra e parë e Shkollës Shqipe në Kosovë, për të cilën edhe ka hulumtuar , studjuar e shkruar shumë.Shkollen fillore e ka kryer në vendlindje, kurse shkollën e mesme (gjimnazin shkencor-matematikor) e ka filuar në Viti, e ka vazhduar në Ferizaj dhe e ka mbaruar në Viti. Ka frekuentuar Fakultetin Universitar të Shkencave të Edukimit dhe është diplomuar në Universitetin e Kosovës në Prishtinë, ku ka fituar titullin akademik – profesor i pedagogjisë. Plot tetë vjet ka dhënë mësim në shkollën fillore në vendlindjen e tij (Stubëll) e një vit shkollor ka qenë asistent–edukator edhe në Itali – në kolegjin e famullisë në Firmozë (Acquaformosa) të Kozencës, në Kalabri.

Nga regjimi pushtues-diktatorial i Beogradit, është dënuar për motive politike (vetëm për fjalë), me një vit burg (1978/1979), por pas nëntë muajsh është liruar. I kualifikuar nga regjimi pushtues, si person i rrezikshëm kundër “sistemit socialist jugosllav”, i është hequr e drejta e mësimdhënies në shkollë, për plot gjashtë vjet (1978 – 1984). I lodhur nga presionet permanente të atij regjimi, në mars të vitit 1990 ka qenë i detyruar të emigrojë në Itali, ku jeton ende dhe zhvillon veprimtari gazetarie, duke punuar për Radio Vatikanin, për Radiotelevizionin Shqiptar të Tiranës, për Radiotelevizionin e Maqedonisë të Shkupit, për Radiotelevizionin e Kosovës të Prishtinës dhe për radiotelevizione të ndryshme private në gjuhën shqipe. Ka shkruar për të përditshmet kosovare “Rilindja”, “Bujku”, “Bota Sot”, “Lajm ekskluzive”, “Pavarësia-news” dhe të tjera. Ka bashkëpunuar për vite të tëra e bashkëpunon edhe më me gazeta shqipe në Shqipëri, në Kosovë, në Maqedoni dhe në diasporë (Koha JonëPanoramaRilindja DemokratikeGazeta 55, etj). Nëpër revistat shqiptare, enekënd trojeve etnike dhe në diasporë ka botuar qindëra poezi në gjuhën amtare.

Gjatë luftës së Kosovë, ishte gjithnjë në radhët e para, në ndihmë popullit të vet, nga Italia. Gati çdo ditë ishte i pranishëm në studiot televizive të RAI-t dhe të MEDIASET-it, sikurse edhe duke folur përmes mikrofonëve të shumë radiostacioneve e duke shkruar në gazetat italiane: “Corriere della Sera”, “La Repubblica”, “Il Messaggero”, “Il Mattino”, “La Stampa”... duke njohur dhe sensibilizuar kështu opinionin italian me të vërtetën për Kosovën dhe për popullin e tij. Mbas luftës në Kosovë, afër dy vjet ka punuar në IOM (Organizata Ndërkombëtare për Migracionet), në Romë – në projektet për Kosovën dhe Shqipërinë.

Në vitin 2002 është transferuar nga Roma në Lecco, ku jeton me familjen e tij. Në vitet e fundit ka filluar të shkruajë edhe italisht dhe bashkëpunon me revista të ndryshme kushtuar poezisë. Ka marrë pjesë në dy konkurse letrare (në Livorno dhe në Kozencë) dhe poezitë e tij janë kualifikuar në finale. Në Konkursin e Dytë Ndërkombëtar “Autorët për Europën 2005” të shtëpisë botuese “IBISKOS di A. Ulivieri”, nga 156 pjesëmarrës është kualifikuar në mesin e 20 finalistëve. “Shekulli im quhet dashuri” është libri i tij i parë italisht dhe e sheh dritën e botimit si finalist. I njëjti libër është përkthyer edhe në gjuhën portugeze dhe do të botohet në Brazil. Këto ditë është dorëzuar për botim edhe libri i dytë poetik i tij, në gjuhën potugeze – “Ndjenjë Drite”, që pritet të dalë nga shtypi brenda gushtit 2007.

Merret shumë edhe me organizimin e diasporës shqiptare në Itali. Gjatë këtij viti, kryesisht po vepron në Brazil, ku ka lobuar për Kosovën, deri te kreu i federatës - Presidenti i Brazilit - Lula. Ka hapur dyert e bashkëpunimit në shumë fusha të jetës, në mes Brazilit dhe Kosovës. Në Brazil tashmë është i njohur dhe shumë i kërkuar si shkrimtar e gazetar me një vizion të mrekullueshëm, që parasheh dhe këmbëngul ta realizojë ndryshumin e botës me dashuri!

 


 

TË THËRRET QENIA IME


O Shëna Ndue

Shenjti i mrekullive

Eja

Qenia ime të thërret

-

Dua të të falënderoj për mrekullitë tua

Që më mbajnë në këtë jetë

Me plot bekime e me nder

Dua të të lus

Për të gjithë

Të gjithë nevojtarëve të kësaj bote t’u ndihmosh

Të sëmuarit e të varfërit

Me mrekullitë tua t’i bekofsh

-

Eja o Shenjt’ i mrekullive

Eja e vepro menjëherë

Eja e mos vono

!!!

Padovë, 13 qershor 2009

NDERIME...

Unë me ty

E ti me mua

Jetën bashkë e kemi

Edhe peripecitë...

Prandaj të ecim krahëpërkrah

Të pandarë gjithmonë

Me respektimem e me nderime

-

Njëri-tjetrit butë t’i flasim

Njëri-tjetrin ta nderojmë

-

Unë me ty

E ti me mua

Me nderime jetën ta kalojmë

Sot e përgjithmonë

Barzio (Lecco), 14 qershor 2009

NE RROJMË ENDE

Ata që nuk na kishin parë

Pas pak kohësh

Kishin shpallur vdekjen tonë

Mirëpo ne këtu jemi

Në mes të kësaj bote

Dhe u themi stop – mos flisni

Se rrojmë ende

Dhe flasim

Edhepse nuk ju pëlqen

-

Kurrë më të fortë nuk kemi qenë

Dhe të fortë do të jemi gjithmonë

Me fjalë e me vepra

Duke respektuar e duke nderuar të tjerët

Sot e gjithmonë

Rrojmë ne

Dhe ecim përpara...

Garlate (Lecco), 15 qershor 2009

EDHE NË KËTË VAPË...

Me vullnet të fortë jetojmë

Dhe ecim përpara

Përkundër pengesave dhe kërcënimeve

Ne prapë rrojmë

Dhe gjithnjë punojmë

Me kokën tonë...

Gjithnjë e më të fortë

Me Zotin përpara

Drejt jetës së vërtetë

Drejt sukseseve...

Megjithë nxehtësinë e madhe

Në natyrë e në kokë

Ecim përpara e nuk ndalemi...

Garlate (Lecco), 16 qershor 2009

NUK NDALEMI KURRË

Mbasi u nisa për atë botë

Erdhi mbretëresha

E luti Zotin

Dhe mbeta këtu ende

Që të jetoj

Që të punoj – për vete e për të tjerët

Me mbretëreshën bashkë

Ecim e nuk ndalemi

Punë të mëdha bëjmë

Për çështje të mëdha

Për njerëzit nevojtarë

Sot

E deri në amshim

Me mbretëreshën nuk ndalemi

Sepse kemi shumë për të bërë

Me përgjegjësi të mëdha...

Garlate (Lecco), 16 qershor 2009

 

 

NË MANIFESTIMIN KULTUROR, ME RASTIN E 100 VJETORIT TË LINDJES SË NËNË TEREZËS, NË LECCO TË ITALISË U PROMOVUA DHE U VLERËSUA
I MREKULLUESHËM LIBRI PUBLICSTIK I ENGJËLL KOLIQIT
 “YLLI I DARDANISË RREZATON TOKË E QIELL”


Për këtë kremte të madhe kushtuar letërnjoftimit tonë në botë – Nënë Terezës, kishin ardhur bashkëkombasë tanë nga vise të ndryshme të Italisë, nga vende të shumta europiane dhe mysafirë nga Shqipëria, nga Kosova e nga Mali i Zi. Në promovimin e librit folën: Don Dr Lush Gjergji – biografi numër një i Nënë Terezës, i cili për Te ka shkruar 15 libra, Gjon Ballabani – profesor i gjuhës dhe letërsisë shqipe dhe Brunilda Boçova – shkrimtare e mirënjohur nga Fieri, me 13 libra të botuar.
Shkruan: Beqir CIKAQI
Treviso, qershor 2010
Në fundjavën e parë të qershorit – të shtunën dhe të dielën e 5 dhe 6 të këtij muaji, në Lecco të Lombardisë, mërgata shqiptare organizoi një kremte madhështore kushtuar Gonxhe Bojaxhiut – Nënë Terezës, në 100 Vjetorin e lindjes së Saj. Shoqatat vendore “Nënë Tereza” dhe “Stublla”, çdo gjë kishin përgatitur me kohë, që gjithçka të shkojë mbarë, ashtu siç me të vërtetë e meriton e Lumturuara Nënë Tereza. Ishin ftuar shqiptarët – edhe ata të mërgatës, edhe nga atdheu. Kishin ardhur shumë mysafirë nga rrethet e Milanos, të Bergamos, të Breshës, të Viçencës, të Trevizos, të Padovës, të Veronës e të Triestës, si dhe mërgimtarë nga Gjermania, nga Zvicra, nga Kroacia, nga Sllovenia, nga Austria... Nga Shqipëria kishte ardhur drejtori i shërbimeve sociale të Qarkut të Tiranës – Lulzim Konçi dhe shkrimtarja fierake – Brunilda Boçova, nga Kosova kishte ardhur i pazëvendësueshmi Don Dr Lush Gjergji, profesori dhe veprimtari i dëshmuar – Mustafa Hoxha, i cili është edhe pjesëmarrës i librit që u promovua dhe veprimtari stubllas – Zef Simoni, nga Mali i Zi kishte ardhur arqipeshkvi i Tivarit – Shkëlqesia e Tij Imzot Zef Gashi, i cili udhëhoqi meshën solemne në 100 Vjetorin e lindjes së Nënë Terezës, në bazilikën e Shën Nikollit në Lecco, që ishte stërmbushur me afër 2000 besimtarë e mysafirë. Kishin ardhur edhe shumë italianë për ta nderuar shenjtëreshën shqiptare në këtë superjubile.
Kryetari i Shoqatës “Stublla” Zef Krista
duke u përshëndetur me kryebashkiakun e Lecc-s – Virginio Brivion
Të shtunën, në mbrëmjen e hershme është zhvilluar tribuna shkencore kushtuar Nënë Terezës, ku të ftuarit specialë, në teatrin famullitar të zonës së Lecco-s – Magianico ligjëruan temat e tyre speciale, të përgatitura për këtë superjubile. Cristina Siccardi – shkrimtare nga Torino shtjelloi temën “Gjithçka filluoi në tokën time”, duke argumentuar se shenjtërimi i Nënë Terezës kishte filluar në fëmijërinë e saj, në familjen e shenjtë Bojaxhiu – në vendlindjen e saj, pra në tokën shqiptare. Don Valentino Salvoldi – profesor universitar i filozofisë dhe teologjisë shtjelloi temën “Në shërbim të jetës, mbi gjurmët e Nënë Terezës”,
duke argumentuar poashtu se shenjtërimi i Saj filloi në Kosovën e saj të vuajtur por krenare e duke i ftuar të gjithë që të mundohemi t’i përngjajmë asaj me gjestet tona dhe me dashurinë e mirëfilltë universale. Salvoldi shkoi aq larg, saqë tha se bashkëkombasit e Saj, të udhëhequr nga Rugova i urtë e plot dashuri për njeriun dhe popullin e tij, me mësimin e Gonxhes – shën Terezës ia dualën të lirohen përfundimisht nga prangat e robërisë serbe dhe ta bëjnë shtetin e tyre, duke ripërtërirë Dardaninë Antike. Adriano Stasi – shkrimtar nga Lecco e anëtar i Akademisë Papërore Mariane, ligjëroi në temën “E madhe pa kufi”, ku ndër të tjera tha se populli shqiptar ishte dhe do të jetë gjithherë i bekuar nga mrekullitë e kësaj bije të pavdekshme të Tokës së Shqipërisë. Me bekimin e bijës së vet – tha Stasi – ky popull po marshon drejt përspektivës dhe po realizon aspiratat kombëtare, duke marrë edhe hire nga qielli, nga Nënë Tereza e Madhe. Ndërkaq Don Dr Lush Gjergji – vikar i përgjithshëm i Ipeshkvisë së Kosovës e kryebiografi i Nënë Terezës, me 15 tituj librash, të botuara në shumë gjuhë botërore, shtjelloi temën “Nënë Tereza – figurë shembulore e popullit shqiptar”, duke theksuar se mrekullitë e Nënës nuk do i mungojnë kurrë popullit tonë dhe se ne do të mundohemi deri në fund t’i ngjasojmë zemrës së saj të madhe.
Pamje nga tribuna shkencore e së shtunës mbrëma:
Don Dr Valentino Salvoldi, Cristina Siccardi, Adriano Stasi, Don Dr Lush Gjergji
Grupi i valleve “Fluturat” zbukuruan festën
Tribunën e ka shpallë të hapur kryetari i Shoqatës “Stublla” – Zef Krista, kurse në emër të popullit vendas ka përshëndetur kryebashkiaku i Lecco-s – Virginio Brivio, i cili ndër të tjera ka thënë se institucionet dhe populli i këtushëm ndjehet krenar që në mesin e tyre ka një komuinitet të madh bashkëkomasish të Nënë Terezës, që janë pasuri e madhe për këtë shoqëri. Tribunën, me valle speciale me motive nga një këngë për Nënë Terezën e ka freskuar artistikisht grupi i sapoformuar i valltarëve “Fluturat”, ndërkaq shoqatat organizuese të kremtes kanë shtruar për mysafirët një koktej freskues.
Në orët e vona të mbrëmjes, në teatrin e bukur të françeskanëve “Cenacolo”, rreth 70 artistë të Kompanisë CPO’93 – nga Osnago, kanë shfaqur spektaklin muzikor-artistik “Lapsi i vogël i Zotit”. Ishte një spektakël që zgjati afër tri orë dhe që kishte një nivel artistik shumë të lartë dhe të këndshëm.
Të dielën e 6 qershorit, kremtja vazhdoi në bazilikën e Shën Nikollit, me meshën solemne kushtuar së Lumes Nënë Tereza, të bashkëcelebruar nga shumë priftërinjë shqiptarë e italianë, udhëhequr nga arqipeshkëvi i Tivarit – Shkëlqesia e Tij Imzot Zef Gashi. Megjithëse e madhe, bazilika ishte e stërmbushur me besimtarë e mysafirë shqiptarë e italianë, sepse për ta nderuar Nënën Shqiptare të mbarë botës, atje ia kishin mësy mbi 2000 persona.
Në Bazilikën e Shën Nikollit, në mbarim të meshës solemne
Pasi u krye mesha, kremtja vazhdoi në një sallë të bukur, në zonën e Lecco-s – Pescarenico, pikërisht në sallën “Officina della Musica” (Punëtoria e Miuzikës), në via Plava, nr. 5. Në sallë kishin arritur mbi 600 persona e disa qindëra kishin ngelur në ambientet e jashtme, sepse nuk kishte vend për të gjithë të interesuarit.
Aty kremtja vazhdoi me pikën kulminante – me promovimin e librit të autorit Engjëll Koliqi, kushtuar Nënë Terezës në këtë superjubile të lindjes së Saj – “Ylli i Dardanisë rrezaton tokë e qiell”, botuar këto ditë në Shtëpinë Botuese “Rugova Art” në Prishtinë. Promovimin e udhëhoqi moderatori Adrion Andreja, i cili sapo ka mbaruar fakultetin e shkencave politike në Universitetin e Milanos. Në tavolinën e stolisur me lule dhe me disa libra të sapoarritura nga Prishtina, ishin ulur kryebiografi i Nënë Terezës e recenzenti i librit – Don Dr Lush Gjergji, Arqipeshkëvi Zef Gashi, Don Marjan Demaj – misionar në Lucern të Zvicrës dhe profesori Gjon Ballabani. Pastaj aty erdhi edhe shkrimtarja fierake Brunilda Boçova.
Pamje nga promovimi i librit
I pari fjalën e mori Don Lushi, i cili ndër të tjera tha, më sa vijon:
Pamje nga promovimi – Don Dr Lush Gjergji duke folur
“...Librin që së shpejti do ta keni në dorë, dhe unë shpresoj jo vetëm në dorë por edhe në zemër, është një përmbledhje e mrekullueshme që bëri Engjëll Koliqi, duke nxjerrur të vjetrat dhe të rejat – siç thotë Shkrimi Shenjtë dhe duke paraqitur tiparet karakteristike të Gonxhe Bojaxhiut – të Motrës Tereze, të Nënës Tereze, të së Lumes Tereze dhe së shpejti të Shën Terezës Sonë – e thërrasim e Kalkutës, por Ajo është dhe mbetet gjithmonë e jona... Si e kam lexuar, si e kam kuptuar dhe si dua të jua paraqes unë këtë libër? Në rend të parë është një përmbledhje e krijimtarisë mbarëshqiptare kushtuar Nënë Terezës... Kjo është pika e parë. Engjëlli e bën një gërshetim, një përpilim, një përmbledhje, një orkestër të krijuesve shqiptarë... Karakteristika e dytë e këtij libri është – Engjëll Koliqi nuk ndalet vetëm te shqiptarët, sepse Nëna Tereze ishte dhe do të mbetet gjithmonë bijë, motër dhe nënë shqiptare, por Ajo është bërë edhe Nënë e mbarë botës. Prandaj, Engjëlli merr edhe gjërat e bukura, të cilat i ka thënë bota, sidomos personalitetet e shquara të botës mbarë, ndër të cilët ishte Papa Gjon Pali II, pastaj personalitetet e njohura – drejtues të vendeve më kryesore të botës, si – Bill Clinton, Tony Bleer, Jack Chirac e mandej edhe personaliteti me i madh i përgjithshëm dhe i të gjitha kohërave, i kulturës sonë, që ishte, është dhe mbetet gjithmonë kryepersonalitet i kulturës sonë – përfaqësuesi dhe ambasadori ynë në botë – Ismail Kadare, si dhe shumë të tjerë. Dhe pjesa e tretë – karakteristika e tretë e këtij libri, është se Engjëlli shkruan në ndërgjegjen e njeriut. Nuk mjafton ta dijmë çka kanë shkruear shqiptarët për Nënën Tereze, nuk mjafton të dijmë çka ka shkruar bota për Nënën Tereze. Por Nëna Tereze e ka një fjalë, e ka një porosi për çdo njeri – prandaj për çdo shqiptar, vëlla e motër. Dhe shih për këtë ky libër mund të lexohet jo vetëm me sy, jo vetëm me mendje, por mbi të gjitha – me zemër. Mu për këtë e përgëzoj autorin Engjëll Koliqi dhe dëshiroj që ju ta merrni sa më parë dhe të filloni që përmes këtij libri të shoqëroheni me Nënën Tereze, sepse Ajo është e Lume, Ajo është e gjallë, Ajo ndërmjetëson për popullin tonë e për Kishën tonë. Ajo lutet për ne... Në NënënTereze e kemi modelin e vuajtjes e të flijimit, modelin e dashurisë, e cila kalon çdo kufizim. Vetëm dashuria do ta shpëtojë botën, dhe – pa dashuri e flijim – do të na thoshte sot Nëna Tereze – jeta nuk ka kuptim.
Ju falemnderit për vëmendjen dhe Engjëllit urime të përzemërta”!
Pastaj e mori fjalën profesori i gjuhës dhe letërsisë shqiptare nga Stublla, edhe ai mërgimtar në Lecco – Gjon Ballabani, i cili lexoi vështrimin e tij special, të titulluar “Në kulmin e dashurisë rrezet e shenjtërisë”. Gjoni vështrimin e tij të kritikës letrare e kishte ndërlidhur me ecjen iliriko-shqipatre nëpër shekuj – në histori dhe ndër të tjera tha: “...Ne, mërgimtarët shiptarë që jetojmë në Lecco e rrethinë sot jemi më të lumtur, sepse nga gjiu ynë, për Nënën doli një dhuratë shumë e vlefshme. Është ky libri i krijuesit të vyeshëm Engjëll Koliqit, që e titulloi: “Ylli i Dardanisë rrezaton tokë e qiell.” Po ta marrim e ta studjojmë qëllimin dhe porosinë e autorit, që ta ketë një simbolikë më të gjërë me theks të veçantë, se në harkun e lashtësisë buron edukata e shëndoshë e ilirisë, që populli ynë e ruajti me një zell e përkushtim të pakrahasueshëm gjatë historisë së përgjakshme. Një popull besnik ndaj Hyjit
dhe atdheut me edukatën fetare e kombëtare e kuptoi se në kulmin e dashurisë, zemrën e njeriut e ngrohin rrezet e shenjtërisë. Nga të gjitha këto vuajtje e martirizime, populli ynë u kalit në sprova dhe i dhuroi botës njerëz të luftës dhe të paqes. Po i veçojmë: Gjergj Kastriotin – Skënderbeun, i cili ishte atlet i Krishtit, në mbrojtjen e krishtërimit, njëherit pararojë e Europës, gjatë sundimit otoman. Figura tjetër është personaliteti i famshëm, qo sot po e përkujtojmë në 100 – vjetorin e lindjes së Gonxhe Bojaxhiut – Nënë Terezës, e cila e pushton botën me dashuri. Portretin e kësaj Gruaje, nëpërmjet simbolikës së Yllit të Dardanisë, autori don ta mbajë në lidhje me kulturën e lashtë ilire duke na i përkujtuar shenjtërimin e martirëve të Dardanisë që fillon me: Shën Florin dhe Shën Laurin; si dhe me shenjtër të tjerë të Ilirisë: Shën Prokulin, e Shën Maksimin, Shën Niketën e Shën Jeronimin, si dhe shumë shenjtër të tjerë të njohur e të pa kanonizuar nga ana e kishës prej popullit iliro – shqiptar, është personaliteti më i ndritur Nëna Tereze, e cila frymëzon e ngroh me rrezet e dashurisë. Gjatë strukturimit të kësaj vepre autori ka derdhur tërë mjeshtërinë prej krijuesit – prej përvojës së gazetarit dhe prej përvojës së pedagogut, na bënë me dije se edukata e shëndoshë fetare dhe familjare tek shqiptarët është orientimi më i përsosur i dashurisë dhe shenjtërisë. Kur jemi te cilësimi i librit mund të radhitet në rangun e një monografie apo të një antologjie për Nënën e Madhe të shekullit të XX. Duke lexuar parathënien e librit, ia zgjon kureshtjen lexuesit, që me etje më të madhe të nxjerrë mësimin dhe porosinë e librit, shumë i respektuari Don Lush Gjergji, më bënë përshtypje kur thekson se: realizimi i një ëndërre të madhe për ta botuar një monografi ku do të përfshiheshin edhe autorë opinionesh e shkrepëtimash artistike për Nënë Terezen, nga Shqipëria, sepse kur e kishte botuar monografinë “Lule për Nënën”, në 75 - Vjetorin e lindjes së Saj – më 1985, kjo gjë ishte e pamundur, sepse Shqipëria ishte e mbyllur hermetikisht nga diktatura e tmerrshme komuniste. Kjo punë e bërë ishte nevojë e kohës dhe meriton një mirënohje për një angazhim kaq profesional të studiuesit të mirënjohur Engjëll Koliqi, për hartimin e kësaj vepre kapitale.
Duke realizuar një vepër të madhe, autori ia ka dalur t’ia percjellë opinionit mesazhin e Nënës për Dashuri ndaj Zotit dhe ndaj njeriut nevojtar. Është mjaft tërheqëse dhe me një domethënie të thellë piktura e Kryemjeshtrit shqiptar Ibrahim Kodra, që artisti do të mundet t’i kuptojë porositë e krijuesit dhe porositë e Nënës. Vlen të theksojmë se në këtë libër mundemi t’i gjejmë edhe mesazhet e opinionet e personaliteteve tona institucionale, religjioze e letrare, si: Dr. Sali Berisha, Dr. Fatmir Sejdiu, Dr. Rexhep Meidani, Sabri Koçi, Don Dr. Lush Gjergji, të ipeshkëvinjve Imzot Angelo Masafra, Imzot Rrok Mirdita, Imzot Nikë Prela, Imzot Mark Sopi, Imzot Dodë Gjergji, Imzot Zef Gashi, Imzot Hil Kabashi, Ismail Kadarea, Visar Zhiti, Ali Podrimja, Mirko Gashi, Naim Kelmendi, Ramadan Musliu e të tjerë. Autori këtë mesazh e ka përcjellë bukur edhe përmes opinioneve e shkrepëtimave artistike të personaliteteve të diasporës sonë – të Mark Shkrelit, Kozeta Zylos e Drita Bojaxhiut nga SHBA, të Vitore Stefa – Lekës, të Pashk Ballabanit, të Baki Ymerit, të Shefqet Dibranit, të Jeton Kelmendit, të Mimoza Salit, të Agim Gashit, të Pal Sokolit, të Beqir Cikaqit, të Gëzim Muçollit, të Arsim Mulliçajt, të Xhavit Mahmutit e të tjerëve nga Europa. Sidomos duhet çmuar edhe kontributi i madh i Pandeli Paskos – Kutelit, që përmes intervistës me të vëllain e Nënë Terezës – Lazër Bojaxhiut, të vitit 1979, ka shprehur vuajtjet e mëdha shpirtërore që Nënë Terezës ia kishte sjellë diktatura komuniste e Shqipërisë, duke mos ia mundësuar të jetë pranë Nënë lokes - Drane e Motrës Age, as në çastet e fundit të jetës, te shtrati i vdekjes, megjithë lëvizjet e mëdha diplomatike, nuk mundet ta realizonte kërkesën...
Jashtëzakonisht bukur është përshkruar edhe kontributi i Nënë Terezës për Shqipërinë dhe popullin shqiptar dhe kontributi i Saj i pamohueshëm dhe historik për lirinë dhe pavarësinë e Kosovës, me dëshiminë e ish presidentit amerikan Bill Clinton. Me këto fakte, në mënyrë mjeshtërore mbyllen gojërat e aventuristëve të tërbuar, që mundohen ta mohojnë dhe
ta zhvlerësojnë shenjtërimin e Nënë Terezës dhe kontributin e pamohueshëm historik që Ajo ka dhënë për kombin e vet, derisa jetonte në këtë botë, mes nesh.
Prof Gjon Ballabani flet në promovim
Autori i librit, Engjëll Koliqi, me një përkushtim e devotshmëri ka derdh mundin dhe aftësinë e tij intelektuale, që duke krijuar këtë vepër madhore, na ka afruar dhe dhuruar dashurinë e Nënë Terezës. Padyshim se ia ka arritur qëllimit sepse, personazhi për të cilin shkruan është i dashur e tërheqës, pa dallime ndaj: ideologjive fetare e politike; pa dallime në etni, gjuhë, ngjyrë... Unë do të thoja se çdo familje duhet ta shfrztëzojë rastin t’i blej të gjitha librat e Nënë Terezës. Në veçanti libri “Ylli i Dardanisë...” është libër për të gjithë, sepse me shumëllojmërinë e temave që trajton në prozë, poezi, fotografi të ndryshme të veprave të artit figurativ, kanë mundësi ta kuptojnë në buzëqeshjen e saj pranimin e jetës dhe në rrudhat e fytyrës së Nënës vërejmë dashurinë në veprim... Padyshim libri i Engjëll Koliqit “Ylli i Dardanisë...”, meriton një studim dhe vlerësim kritik më të denjë.
Duke përmbyllur këtë vlerësim, e falenderojmë autorin e librit Engjëll Koliqin, për këtë vepër kolosale, me urimin dhe dëshirën për punë të ardhëshme, që të na sjellë vepra me nivel të lartë të stilit europian.
Nuk mundemi ta përfundojmë këtë promovim të librit dhe këtë manifestim të 100 – vjetorit të lindjes së Nënë Terezës, pa i falënderuar shoqatat dhe të gjithë ata që kontribuan në publikimin e këtij libri shumëdimensional e të përgatitur me mjeshtëri të rrallë, posaçërisht autorin për idenë e shkëlqyeshme, për gjurmimet e mëdha shkencore-historike e për mbledhjen e nektarit të bukur për ta vezulluar në këtë përvjetor për Shenjtëreshën tonë të Madhe dhe veprën e saj të shenjtë. Një përshëndetje speciale kam edhe për biografin Numër Një në Botë të Nënë Terezës – Don Dr. Lush Gjergjin, që dha kontributin e Tij shumë të çmueshëm dhe të lartë, me një parathënie, siç di ta bëjë vetëm Ai. Siç thotë edhe vetë titulli, vërtetë Ylli i Dardanisë rrezatoftë gjithmonë nëpër shekuj e në amshim tokë e qiell e qoftë shembull tipik i njerëzisë dhe shenjtërisë, në këtë botë dhe në botën e amshuar, ashtuqoftë!”
Pastaj fjalën e mori shkrimtarja e re, e ardhur posaçërisht për këtë manifestim nga Fieri – Brunilda Boçova , e cila poashtu e vlerësoi lartë këtë libër, duke cilësuar që në titullin e vështrimit të saj – vlerë mbi vlera, një libër monument. Zonjusha Boçova, me përvojën e saj letrare, me 13 libra të botuar, në kritikën e saj letrare, ndër të tjera ka thënë: “...Krenaria , për këtë dhuratë—suprizë , jo vetëm këtu ku jemi mbledhur për t’a promovuar , por edhe më gjerë ku do të rrezatojnë mendimet rreth këtij botimi , si vetë titulli i librit përtej viseve të kaltra shqiptare dhe më gjerë, pra : «Ylli i Dardanisë rrezaton tokë e qiell» , i autorit Engjëll Koliqi, është dhe do të mbetet brezave për të Madhen Nënë Tereza një shkrim monografik jetësor me përmasa jashtë dimesionales !
Ky libër i shenjtë…, por i shtrenjtë do të shprehesha më qartë, për figurën e Saj pasuron jetën , shpresën e forcon besimin tek brezat për dashurinë dhe burimin e pashtershëm të lutjeve që Ajo kishte ndaj të madhit Zot , dhe që Ajo nuk i humbte kurrë ato (shpresat) në udhën e së drejtës mbështetur rrënjëve të thella të besimit në Zot! Ёshtë në
nderin e tërë brezit të ri të nderojnë dhe respektojnë Shenjtoren Shqiptare, Nënë Tereza. Figura të tilla historike shenjtëruese përcjellin tek ne mesazhe të mëdha për qëllimin fisnik të jetës, paqen dhe lumturinë, dashurinë dhe mirëkuptimin , qytetarinë dhe progresin, për të cilat ajo luftoi dhe shërbeu tërë jetën e saj…., dhe nuk u kthye kurrë pas në misionin e saj fisnik! Ёshtë një krenari e vaçantë kombëtare dhe mbarëkombëtare, që një grua e rritur dhe e edukuar në një vatër shqiptare, sot të ketë përmasa të tilla, që të tërheq vëmendjen e botës dhe të bëhet shembull i gjallë i mirësisë dhe lumturisë . Dhe ja sot, me këtë libër që ne kemi në duar kemi përmbushur një ëndërr të madhe jo vetëm tonën, por dhe të vetë Z. Koliqi - publicistit dhe poetit të lirikave të dhembjes për jetën dhe dashurinë, që rënkojnë për atdhedashurinë dhe kohën e shkuar, ku me përkushtim ka bërë një punë të kujdesshme në artikulimin material të të dhënave dhe i ka renditur ato në libër, si ai “kopshtari i moçëm” që kujdeset për lulet e tij dimër-behar që të jenë në gjelbërim !
Gërshetimi i materialeve në libër ka vetëm një emër Engjëll Koliqi! Ideimi i autorit me këtë libër me vlera të larta patriotike, ku historia, humanizmi, dashuria dhe shenjtërimi i figurës së Nënë Terezës në këtë 100-Vjetor të Lindjes së Saj, ka krijuar një mozaik të vaçantë vlerash, që Ajo i meritonte dhe i kishte krijuar, si mes njerëzve të thjeshtë dhe figurave të nderuara publike të mbarë botës!...
... Botimi i këtij libri nga z.Koliqi, me këtë Figurë Madhore ia rritë më tepër vlerat si vetë autorit, por dhe të gjithë ne, pjesë e Saj , Vlerë mbi Vlera! Nënë Tereza, ky simbol i Paqes dhe Dashurisë është një emblemë që ngrihet në shkallë mbinjerëzore , me vepër të madhe dhe të pavdekshme - Qindvjetori i Lindjes! Kujtimi i Saj vjen sot tek ne , si dhe në mjaft popuj të botës, i gjallë, si një monument shpirtëror i pavdekshëm. Mundi dhe dashuria e autorit për nxjerrjen në dritë të këtij libri është gdhendur në çdo rrudh-mendimi të tij , si mjeshtëria që i ka dhënë ballinës dhe piktori ynë i Madh Ibrahim Kodra!...
Vlerësime të larta i jep librit edhe shkrimtarja fierake Brunilda Boçova
... Mbi të gjtha me librin : «Ylli i Dardanisë rrezaton tokë e qiell», të autorit Engjëll Koliqi, Nënë Tereza (Gonxhe Bojaxhiu), do të mbetet edhe një dritë më tepër në shpirtin e çdo shqiptari, si dhe një figurë që nuk njeh kurrë dimensionalitet për kontributin e Saj tek ne në Shqipëri, por edhe në pavarsinë e Kosovës! Pëcjellshmëria e çdo mesazhi është dhënë i gjallë dhe bëhet më kumbues në penën, letrën, mendjen dhe fjalët përcjellëse të vetë autorit: «Ajo është Ambasadorja e së Vërtetës dhe e Dashurisë, e Drejtësisë …….” dhe kjo vlerë e Saj nuk ka, as nuk do te ketë kurrë Çmim…………… - thotë autori, sepse mbi të gjitha qëndron Fisnikëria e Saj dhe Rrezaton Ylli i Dardanisë si në Tokë e Qiell, dhe ashtu do të rrezatojë dhe libri i Engjëll Koliqit, brezave!”
Pastaj e ka marrë fjalën autori i librit, i cili nuk ka folur shumë për librin, veçse ka falënderuar të gjithë ata që kanë dhënë kontributin e tyre të çmueshëm – moral, autorial e material, në bërjen e këtij libri. Në radhë të parë ka falënderuar Dom Lushin, i cili e ka motivuar dhe e ka ndihmuar në këtë projekt madhor. Pastaj ka falënderuar Fatos Faslliun, që ia ka siguruar të botojë për herë të parë në ballinën e këtij libri, pikturën e kryemjeshtrit tonë
të artit – Ibrahim Kodra. I ka falënderuar të gjithë pjesëmarrësit në libër – ata që ishin të pranishëm dhe ata që nuk ishin, si dhe shoqatat shqiptare në mërgatë, që përfaqësoheshin në këtë ngjarje të madhe. Engjëlli pastaj, duke falënderuar shoqatën e këtushme, që e sponzorizoi botimin e librit, apeloi te të gjithë ta marrin me një ofertë financiare, sepse çmim nuk i ka vënë, duke theksuar se të gjitha mjetet financiare të grumbulluara nga ky libër, Shoqata do i përdorë për t’i ndihmuar të sëmuarit dhe nevojtarët në Kosovë e në Shqipëri. Rrjedhshëm e theksoi porosinë e tij, që e shkruante edhe në autografët e tij në libër – mesazhi i dashurisë së Nënë Terezës u zbatoftë në zemrat tona.
Përcjell mesazhin e Nënës dhe falënderon të gjithë autori i librit
Në fund autori apeloi te të gjithë të pranishmit që t’i hapin zemrat në drejtim të nevojtarëve e të përmbushin kështu dëshirën dhe amanetin e Nënë Terezës, duke i përngjarë sado pak Asaj e duke ecur binarëve të traditave tona të shenjta kombëtare.
Rinesa Maliqi duke recituar
Lulzim Konçi i dhuron autorit portretin e Nënë Terezës
Mjeshtri Gafurr Buduri i dhuron autorit të librit një pikturë të veten
Pastaj vogëlushja Rinesa Maliqi, nga Shoqata “Kosova e Lirë” me seli në Magenta të Milanos recitoi mrekullueshëm një poezi speciale për Nënë Terezën, për çka u duartrokit frenetikisht nga qindëra të pranishëm. Pastaj autorit të librit iu bënë dy dhurata speciale. Lulzim Konçi ia dhuroi një portret të Nënë Terezës, të blerë special për këtë rast në Tiranë, kurse Gafurr Buduri (piktor prizrenas që vepron në Milano e që ka punuar shumë me Kryemjeshtrin Ibrahim Kodra), ia dhuroi një pikturë të Nënë Terezës me një fëmijë, të pikturuar special për këtë rast.
Majlinda Xhelili-Kapedani dhe dueti Qokaj-Kaza këndojnë këngë të bukura lirike
Luz Koliqi këndon bukur këngën Moj Kosovë ta lumsha synin
Gjergj Kaza e Luan Qokaj, ëmbël i këndojnë Nënë Terezës
Këtij promovimi i dhuruan valle speciale edhe grupi “Fluturat”
Këtë promovim të bukur e zbukuroi edhe programi shumë i këndshëm artistik, i realizuar nga Ansambli i shoqatës “Sofra Shqiptare” dhe nga Grupi i Valleve “Fluturat”. Duhet veçuar këngët e bukura e speciale, të kënduara nga Gjergj Kaza, Luan Qokaj, Majlinda Xhelili-Kapidani, Luz Koliqi e të tjerë. Të përmendurit kënduan këngë të bukura për Nënë Terezën, për historinë tonë të lavdishme kombëtare dhe këngë lirike. Programin e udhëhoqi Ndue Qokaj, kryetar i Shoqatës “Sofra Shqiptare”, i cili edhe foli mbi figurën madhore të shenjtëreshës së Dashurisë – Nënë Terezës.
Organizatorët kanë ofruar për të gjithë të pranishmit ushqim e pije gratis, vetëm me oferta që do të përdoren në misione humanitare.
Autori i librit, duke i përshëndetur mysafirët
që përfaqësonin shumë shoqata shqiptare në vise të ndryshme të Italisë

 

 



NËPËR PËRCËLLIMA

Shpeshherë ndodh

Dhe në shumë vende

Shihen autorë të së keqes

Shpirtëra rrotullojnë

Dhe çdogjë të gjallë djegin

Në sytë e të gjithëve

Mandej

Nuk e dijnë as vetë përse

Nuk kanë kurrëfarë motivi

Veç faktit se nuk duan kënd të gjallë në botën e tyre

-

Sy e mendim ngacmohen çdo ditë

Sepse

Gjithçka ndodh e gjithçka digjet

Për drejtësi

E pa drejtësi...

Garlate (Lecco), 16 qershor 2009

 

 

Engjëll Koliqi

Poezi me dashuri

 

MË PRET MBRETËRESHA IME

 

Teuta ime

Mbretëreshë e shekullit tim

Më pret

Me erëmirën e vjeshtës

Në prag t'pallatit të ëndrrave

Krahëhapur e buzagaz

         Caserta, 25 shtator 1998

 

PËRBALLË

 

Më shiko në këndin e dritës

Mos më akuzo për të krisur

-

Më prano me rregullat e rritës

Mos ma nënçmo shekullin e grisur

      Torre in Pietra (Roma), 28 shtator 1998

 

SERIOZISHT

 

Me krahët e beharit erdha

N'përqafim të rrezeve mëngjesore të gjeta

Velenxë e pranverës sime

Në qiejt e dashurive njerëzore

Mbretëria jonë nuk ka mbarim

         Ladispoli (Roma), 29 shtator 1998

 

SAKTËSISHT

 

Me shumëzimin e dy minusëve

Plusi jonë merr jetën

Me matematikën e rregullave zakonore

Venom i përhershëm vendoset

Dashuria pushton shpirtërat

Frymëzim' i jetës këndej shtrihet

         Maccarese (Roma), 29 shtator 1998

 

NUK E DI

 

Kjo zemër zjarr më vlon për Ty

Shpirt

Nuk e di se mund të t'them të dua

 

Nëpër të gjithë shekujt u enda

Shpirt

Shekulli yt një zemër ma ka hapur

 

Nëpër qiejt e tyre më digjte diell' i natës

Zemër

Në qiellin tënd m'freskoi shi' i dashurisë

 

Ky shpirt zjarr më vlon për Ty

Zemër

Nuk e di se mund të t'them të dua

      Torre in Pietra (Roma), 01 tetor 1998

 

  Engjell Koliqi

1. NDËRMJET RREZEVE T’ARTA

Me këngët e dashurisë vazhdoj fluturimin
Krahëpërkrah me yjtë gjithnjë vallëzoj
Stinës shpirtin ia freskoj
Motit fuqi mrekullie i shtoj
Të gjitha shtresat me besë traditës ia farkoj!
Lecco, 18 qershor 2006

2. NË STINËN E DETARIT

Sikur me dekrete
Njerëz vijnë e takohen
Në pikën më të nxehtë
Vendim marrin
Motin e pagëzojnë me emrin e dashurisë
Lecco, 19 qershor 2006

3. MBAS SHKELJEVE TË RËNDA

Me fjalë të kurdisura
Ditenatë trurin na e bombardojnë
Me lotë krokodili
Shtihen sikur falje kërkojnë
Udhëkryqeve t’intereseve të parët janë
Komplotin gjithnjë vazhdojnë
Lecco, 20 qershor 2006

4. NË ZJARRIN E SYVE… 

Unë e ti
Në ditën e bekuar u poqëm
Bota shpalli festë tradicionale
Zoti na e shtriu bekimin
dhe mori vendimin!
Lecco, 21 qershor 2006

5. NË VARËSI SHEKUJSH

Një histori e leckosur kërkon shteg
Shumë kronika dalin nga hiri
Dëshmitë zhyten e mbyten
Njerëzia kërkon drejtësi!
Lecco, 22 qershor 2006

6. KUR E NDALA KOHËN…

Këngët e dashurisë më shtynë në valle
Hapat shpejtonin e nxitonin
Me shpirtin e ri
Nisa udhëtimin për në përjetësi
Bergamo, 23 qershor 2006

7. PAGJUMËSIA E NATYRËS SIME

Gjithëkëndej
Në vendlindjen e historisë plakë
Duke u përpëlitur mes ëndërrash
Kurora e maleve të qëndresës
Në çastin kur unë u zgjova
Radhiste vuajtjet nga pagjumësia
Bashkë me këngët përgjysmë të mbetura
Se urdhërat e shumanshme
Shumë e kishin shtrënguar…
Treviglio (Treviljo), 23 qershor 2006

8. NË KOHËN E STREHIMIT

Me lotë mallëngjimi
Edhe këngët e shpresës lante
Fletë kronikash mblidhte
Në shërbim të historisë…
Lecco, 23 qershor 2006

9. GJURMË ZEMRE

Kokërra të breshërit të kronikave
Me pika të shiut të dashurisë
Duke rrjedhur me këngët e mia
Damarëve të shekullit depërtojnë
Gjurmë mbesin në zemër
Deri në amshimin e pakufijshëm
Lecco, 24 qershor 2006

10. TË KËNDOJMË ME BROHORI

Me lavdi
Historisë t’i hapim udhë
Në shekullin e dashurisë
Që ne na takon
Të këndojmë me brohori

Treviglio (Treviljo), 24 qershor 2006

11. PARA FILLIMIT

Në fronin e stolisur
Lulet e krenarisë
Vezullima plot
Mbushin Elterin e Dardanisë
Në vigjilie të Ditës së Madhe
Gatishmëri e argumentuar
Me refrene këngësh të kalitura
Iso dashurie përsëriten
Gjithçka për t’i hapur udhë shekullit tonë
Dalmine (Bergamo), 24 qershor 2006

12. PËR FALJE TË MËKATEVE

Në këtë botë të trazuar
Me besëlidhje tradite le të betohemi
Kurrë më me të keqen
Unë e ti
Protagonistë të shekullit të ri
Që sot e deri në përjetësinë e pambarim
Vlera dashurie vezullojmë
Shumë këngë krenarie komponojmë
Për falje të mëkateve
Me vepra virgjine të fillojmë
Historinë e rjepur ta pastrojmë…
Lecco, 24 qershor 2006

13. ADHUROJMË E DASHUROJMË

Veprat e pavdekshme të gjyshërve
Me traditat e shenjta që nëpër shekuj na i ruajtën
Vlerat e civilizimit
Me formulën e nderit dhe të dashurisë
Me besën e famshme të shqiptarisë!
Bergamo, 25 qershor 2006

14. NË FILL TË FLAKËS

Në kërkim të shpëtimit
Në përqafim spontan u gjetëm

Këngës hareshëm ia filluam
Kur brenda hetuam zjarrin e dashurisë!
Ponte San Pietro (BG), 25 qershor 2006

15. MBAS LUTJES SATE

Me nxitim erdha
Mbi krahët e shqipes së palodhshme
Kudo në gjithësi dashuri arbërore nuhata
Dhe mora vendimin:
Që sot e përgjithmonë bashkë do jemi
Në këtë botë
Dhe në botën e amshuar
Protagonistë shtylla të historisë
Lecco, 25 qershor 2006

16. NË KËRKIM TË RILINDJES 

Rreth varreve shekullore
Copëza përrallash mbledh
Me mite ndeshem
Dhe refrene këngësh zbërthej
Me besë e me shpresë
Dekretet historike respektoj
Edhe me venome
Me ligje të reja dashurinë pasuroj!
Bergamo, 26 qershor 2006

17. PARA MBARIMIT

Sikur me urdhër të paparë
Shumë turma ikën
Ende pa ditur pse ishin mbledhur
S’dihej a këndonin a vajtonin…
Brescia, 26 qershor 2006

 18. MBAS MBARIMIT


Për habi të syve të lodhur
Koha kishte ikur
Turmat spontanisht të rikthyera
Shtanguar kishin mbetur
Në arenën e kërcënimeve
Tregtime në heshtje bëheshin
Këngët iknin të pakënduara
Kronistët me kokë ndër duar
Falimentim i shpallnin shekullit
Historia mblidhte lecka të grisura…
Verona, 26 qershor 2006

19. DUA TË SHKOJ…

Nga stina e egër
Dua t’ik unë megjithë këngët
Lotët s’na hapin udhë
Koha do të ecë me mua dhe me këngët e dashurisë
Lamtumirë mot’ i lig
Stina e ringjalljes më pret
Shekullin e ri historia ma ka premtuar!
Vicenza, 26 qershor 2006

20. NË DREJTIM TË NATËS

Rruga që ke zgjedhur
Ka plot barrikada
Dhe rreziqe të papara

Mungon dielli
Nxehtësi as dritë nuk ka

Nëse vazhdon
Nuk ka dalje
Në drejtim të natës mbetesh ngujar
Padova, 26 qershor 2006

 21. PËRENDJET S’MBAROJNË DOT


Ende pa i filluar
Të gjitha punët i kanë braktisur
Përzierje planesh e e programesh kudo
Endje e përendje shkallëve të rrezikshme të kohës
Vrasje motesh e rrëzim shekujsh të plagosur
Labirinthet ua kanë hutuar kokën e patru
Përendjet e tyre s’mbarojnë dot…
Venezia (Venedik), 26 qershor 2006

22. NË TË NJËTËN KOHË

Kësaj radhe
Me gëzim të madh u përshëndeta nga gjumi
Njeri me fat e quajta vetëvetin
Sepse ëndërra më solli në të njëjtën këngë me Ty
Do vazhdojmë udhës së jehonës
Me iso bese e dashurie
Deri në përjetësi!
Trieste, 26 qershor 2006

23. NJË FAT I SHPALOSUR

Një kërkesë kam për Ty
Mbretëresha Ime:
Ma konfermo
Si unë me argumente
Se prania jonë e përbashkët
Në këtë botë të bujshme
Tashmë shihet si një fat i shpalosur
Dhe shekullin e dashurisë dritëson!
Trieste, 26 qershor 2006

24. MBAS RRËSHQITJES

Të mos merremi më me të kaluarën
As me autorët as motivet e rrëzimit

Të ngritemi me fuqinë e shpresës
Besëlidjhjen ta fiksojmë me mrekulli!
Lubjanë, 26 qershor 2006

25. TEJ SHFRYTËZIMIT

I shoh dhe i ndjej
Të gjitha të bërat dhe të pabërat
Në projekte sekrete renduar
Me apostrofë interesash në mes
Vazhdojnë garat e mashtrimeve…
Lubjanë, 26 qershor 2006

26. DYSHIME MES MALLKIMESH

Një më mallkon pse e prita
Një tjetër më mallkon pse ika
Në ndërrim stinësh
Dyshimet më shtangojnë!
Zagreb, 26 qershor 2006

27. NË VARKËN E VETMISË

Një njeri i fisit tonë
Mbasi ishte humbur
Në oqeanin e ëndërrave të stinës
Rastësisht u fut në varkën e harruar
Thellë gjeti mbretëreshën e shekulliut të rrëzuar
Në gjumin e imponuar…
Me dekret të akuzës së grisur
U prekën pa e parë njëri-tjetrin
Dhe u humbën mes ëndërrave të pashpjegueshme
Secil i i harruar në të veten vetmi
Zagreb, 26 qershor 2006

28. NATË E TEMBUR

Pa parë njeri
Në rropatjet e ëndërrave plot vdekje
Një tërmet seç kemi ndjerë
Dhe errësirën e imponuar
Natë të trembur e kemi shpallur
Gjilan, 26 qershor 2006

29. NDËRMJET RREGULLAVE TË PAVËNA

Edhe sot
Sikur në stinët e perënduara
Para vendimit kryejnë ekzekutimin
Me venome të lartësive të ndryshme
Në këto hapsira
Ku dritë e diellit dhe e hënës janë harruar
Kush nuk mba mend ç’ka propozuar
As koha nuk ecën me ritmin e natyrës…
Viti, 26 qershor 2006

30. PRANIA IME

Në antikë
Shpirti im ishte i rrënjosur në këtë truall
Me trupin e Atëloshit

Në mesjetë
Shpirti im frymonte e këndonte në këto hapsira
Nëpër këngët e Babëlokut

Dje
Personalisht fillova të vej gjurmë
Në veten e pare këngë komponova

Sot
Unë këndoj pandalshëm
Këngët e përjetësisë
Në mbarë relievin arbëror
Stubëll, 26 qershor 2006

31. ATË NATË BINTE SHI

Atë natë kur ne ishim të detyruar të ndahemi
Binte shi i ftohtë
Lotë valë vërshonin gotat që mbetën pa u pirë
Historia hezitonte t’i hapë fletët
Kronistët buzëdridhur s’nxirrnin dot asnjë fjalë…
Stubëll, 27 qershor 2006

32. SHMANGËJET E ETHEVE

Në të madhen ditë
Kur historia po shkruhej gjithëkëndej
Derisa dridhesha si thupra n’ujë
Në çastin kulminant
Buzët tona u puçën
Një nxehtësi ma përshkoi trupin mbarë
Ethet mbetën të ngrira
Vetëm emër kuptimi për frikën e deriatëhershme
Viti, 27 qershor 2006

33. ËNDËRRBUKURA E DALLËNDYSHES

Tek po vegonte si në gjumë
Dallëndyshja e shekullit tim
Në prag të kësaj pranvere
Nga ëndërra e bukur u zgjua
Filloi gëzueshëm fluturimin
Tash vjen e më uron shtetin e vjetër të Dardanisë
Me emrin Republika e Kosovës!
Stubëll, 28 qershor 2006

34. ME LOTËT E SË KALUARËS…

Lokja mbushte kazanin
Raki të fortë seç bënte
Për Ditën e Madhe të Historisë

Nëna mbushte kupat
Kumbarë e miq të Dardanisë
Në kremte për t’i gostitur

Unë ua laja kokën mëkatarëve
Me fuqi mrekullie
Nga zjarri i ferrit për t’i shpëtuar
Stubëll, 29 qershor 2006

35. NË FUND TË SHTRATIT

Dashnorët nga ëndërrbardhat
Të shqelmuar nga mite interesesh
Në prehër përrallash ende përqafohen
Storjet përsëriten
Përgjatë vijës ndarëse
Ndërmjet natës dhe ditës
Kronistët sillen të hutuar
Leckave të grisura të historisë
Gjilan, 29 qershor 2006

 Klilko faqën tjetër  26-27 Prill2009 Dhjetëvjetori i Martirizimit-Dekorimi i Gjergj Sokolit

Ju falemnderit,jepni mbresat tuaja te Gästebuch-Libri i vizitorve ose pelqejeni ne Facebook Ju falenderoj nga zemra për komentet e juaja të sinqerta!

Nach oben